話說Sai San會喺工餘嘅時間同棋友一齊玩桌遊，喺organize桌遊局嘅時候少不免會對棋友有所取捨。
對於棋友，我基本上都不揀擇，只求玩得開心及盡興便可。但有時候總會受到群眾壓力，讓我不得不放棄邀請某些棋友，那些被放棄的棋友大致可分為幾個類別，其中有：
「極度執著勝負」：曾經有一個對勝負異常執著嘅棋友，或許出於對新手嘅蔑視，他接受唔到自己輸咗畀一個第一次玩嗰隻遊戲嘅新手，於是乎開始賴地硬，去怪罪其他玩家唔配合佢，所以令到佢輸。如果只係當天覆盤佢呻下都算，之後每次嘅Board Game局佢都會再拎返出嚟講，自此以後大家都怕咗佢，玩咩Game都唔敢再叫佢，而佢亦都永遠失去咗贏回來嘅機會。
「極度執著勝負」 = 「目標為本」，有啲人做所有嘅事都講求效益，想每樣事情都係贏家，但現實生活裡頭真係可以所有事都咁稱心如意？如果唔識得放下，就會好似嗰位唔輸得嘅棋友一樣，永遠都只會活喺失敗嘅陰霾，然後冇下一次機會去改變命運。
首先我唔係要公審棋友，而係想透過上述例子去link up返我們日常生活入面經常會遇到嘅人，從錯誤中學習，如果你在生活上遇到困難，都唔好猶豫搵我地塔羅傾下。
下次同大家講下第二啲棋友類別。
Hozzászólások