其實「水星逆行」係一個好普遍嘅天文現象，水星公轉週期約為88日；而地球則為365日，而呢個現象只係一個視覺效果：水星望落去好似倒轉咗行咁。每三到四個月就會發生一次，每次持續約二十日左右。今次水逆由9月10日開始，直到10月2日完結，大家要留意啦！
咁點解「水星逆行」會對我哋生活有影響嘅呢？話說水星係掌管溝通，所以當佢逆行嘅時候，會令到科技產品同日常溝通陷入混亂狀態，情況就好似行新年花市嘅時候逆人群而上，除咗好難前進之外，亦都會令到人群失去應有秩序。
而喺占星學入面水星逆行係會對每個人都有不同程度嘅影響，所以喺度提提大家盡量避免在水逆期間做以下舉動：
1. 不要開始新項目，例如：返新工、開始新戀情
2. 不要做重大決策，例如：重磅投資、計劃結婚
除咗唔好做一啲嘢之外，都仲要留意一下外圍影響：
1. 容易發生衝突，所以要小心自己言行舉止，尤其係把口容易得罪人嘅朋友更要多加小心。
2. 容易胡思亂想，請多啲搵人傾訴，以免負面情緒加劇。
3. 電器容易發生故障，呢度提醒一下各位，如果真係壞咗電器，如非必需品（例如：手提電話、冷氣機），建議過咗水逆先更換或維修。
4. 海陸空嘅交通都容易出現延誤，所以去旅行嘅朋友請提早出門啦。
5. 物流延誤，喜歡網購嘅朋友要留意下啦。
想完美渡過水逆期間，可以配戴水晶幫助一下自身運勢同埋能量：
1. 海藍寶 - 可穩定大腦同埋心情，對自身氣場形成保護層。
2. 藍紋瑪瑙 - 可令自身感到優雅及寧靜，幫助你釋放恐懼、憤怒同埋積累已久嘅垃圾。
3. 粉晶 - 可加強目前嘅感情生活，加強自己與家人、朋友同埋戀人嘅連結。
4. 綠松石 - 更能令自己講出真心話，會比到勇氣同埋力量去講出你本來唔敢講嘅真心話。
只要大家做足心理、生理上嘅準備，做任何事情都再三查核清楚，水逆一眨眼就過。
Comments